மற்றுமொரு தாக்குதல் இடம்பெறலாம்-ஜனாதிபதிக்கு ஞானசார கடிதம்

மிகச்சிறிய பாதுகாப்பு விரிசல் நிலையில் நுழைந்து ஈஸ்டர் தாக்குதலைப் போல மற்றுமொரு தாக்குதலை நடத்துவதற்கு அடிப்படைவாத அமைப்புகள் நடத்துவதற்கான சாத்தியம் நாட்டிற்குள் இருப்பதாக பொதுபல சேனா அமைப்பு எச்சரிக்கை விடுத்துள்ளது.

இதுபற்றி ஜனாதிபதி கோட்டாபய ராஜபக்ஷவுக்கு பொதுபல சேனா அமைப்பின் பொதுச்செயலாளராகிய கலகொட அத்தே ஞானசார தேரரினால் இன்று வியாழக்கிழமை விசேட கடிதமொன்று அனுப்பிவைக்கப்பட்டது.

அந்தக் கடிதத்திலேயே மேற்படி எச்சரிக்கை இருப்பதாக சுட்டிக்காட்டப்பட்டுள்ளது.

சிவில் மற்றும் நபர்களின் ஊடாக பாதுகாப்பு பிரிவை அதைரியப்படுத்தும் வகையிலான முயற்சிகள் இடம்பெறுகின்றன. அதனூடாக தேசிய பாதுகாப்புக்கு அச்சறுத்தல் ஏற்படுத்தப்படுவதற்கான சூழ்ச்சி நாட்டிற்குள் இடம்பெறுகின்றதா என்ற சந்தேகம் இருப்பதாக அந்தக்கடிதத்தில் பொதுபல சேனா குறிப்பிட்டுள்ளது.

மேலும், மிகச்சிறிய பாதுகாப்பு விரிசலைப் பயன்படுத்தி அதனூடாக ஈஸ்டர் தாக்குதலைப் போன்ற ஒரு தாக்குதலை நடத்த அடிப்படைவாத அமைப்புகள் திட்டமிட்டுவது போன்ற பாரிய ஆபத்து நாட்டிற்கு முன்பாக இருக்கின்றது என்றும் ஞானசார தேரர் சுட்டிக்காட்டியுள்ளார்.

அதனால் அடிப்படைவாத மற்றும் தீவிரவாத செயற்பாடுகளை முளையிலேயே கிள்ளியெறியத்தக்கதாக பாதுகாப்புக் கட்டமைப்பை மேலும் பலப்படுத்துவதற்கான அவசியத்தையும் அவர் தனது கடிதத்தில் வலியுறுத்தியுள்ளார்.

அத்துடன் நாட்டில் செயற்படுகின்ற மேலும் சில அடிப்படைவாத மற்றும் இனவாத அமைப்புக்களை அரசாங்கம் தடைசெய்ய நடவடிக்கை எடுக்க வேண்டும் எனவும் கோரிக்கை விடுத்திருக்கின்றார்.

You May also like